Qytaı áýejaılarynda sheteldikter saýsaq izderin tapsyrýǵa mindetteldi

BEIJІŃ. QazAqparat - 14-70 jas aralyǵyndaǵy sheteldikter Gýanchjoý, Beıjiń jáne Shanhaı áýejaılaryna kelgende saýsaq izderin tapsyrýǵa mindetteledi, dep habarlaıdy «QazAqparat» HAA-nyń Qytaıdaǵy menshikti tilshisi.

30 sáýirden bastap Beıjiń áýejaıyndaǵy termınaldan tólqujatty baqylaý aımaǵyna deıingi aýmaqta arnaıy avtomat kıoskileri ornatylǵan.

Saýsaqtardyń tańbasyn alý protsedýrasynan ótýge Qytaı ımmıgratsııalyq qyzmetiniń mamandary kómektesedi. Saýsaq izin tapsyrǵan jolaýshyǵa túbirtek beriledi, ony tólqujat baqylaýyna ótkizý qajet. Bul maǵlumat kompıýterlik derekter bazasyna engiziledi jáne daktıloskopııadan qaıta ótý qajet etilmeıdi.

Bul protsedýradan dıplomatııalyq tólqujaty,  European Union Laissez-Passer jáne gýmanıtarlyq vızalary bar azamattar bosatylady.

Eske salaıyq, 2017 jyldyń 10 aqpanynan sheteldikterdi daktıloskopııalaý Shenchjende engizilgen edi. Mundaı protsedýrany Haınan provıntsııasynyń áýejaıyna engizý josparlanýda.