Qytaı áýe kompanııasynyń ushaǵy shuǵyl qonýǵa májbúr boldy

ASTANA. QazAqparat - 3U8633 Chýntsın - Lhasa reısin oryndaǵan qytaılyq «Sychýan áýe jelisi» áýe kompanııasynyń ushaǵy apatty jaǵdaıda Chendý qalasynyń Shýanlıý áýejaıyna qonýǵa májbúr boldy.

 Óıtkeni laıner ushqyshynyń kabınasynyń terezesi synyp ketken, dep habarlaıdy Sınhýa agenttigi.

Ushaq Chendýǵa tańerteńgi 7:46-da qonǵan. Onyń bortynda 119 jolaýshy men toǵyz ekıpaj múshesi bolǵan. Eki ekıpaj múshesi zardap shekti. Al jolaýshylar arasynda jaraqattanǵandar joq.