Qytaı astanasynyń turǵyndary jappaı azyq-túlik alyp jatyr

BEIJІŃ. QazAqparat - Qytaı astanasynyń turǵyndary iri megapolıste koronavırýstyń órshýine baılanysty azyq-túlik qoryn jınaýǵa tyrysyp jatyr, dep habarlaıdy QazAqparat tilshisi.

Beıjiń bıliginiń megapolıste azyq-túlik qory jetkilikti degen málimdemesine qaramastan Qytaı astanasyndaǵy keıbir bazarlar men birqatar kóterme dúkenderde azyq-túlik satyp alýda qarbalas baıqalýda. 22 sáýirden beri Beıjińde COVID-19 ınfektsııasynyń 47 jergilikti jaǵdaıy anyqtaldy.

Elordalyq Chaoıan iskerlik aýdanynyń turǵyndaryna úsh kezeńdik jappaı testileýden ótýge buıryq berildi.

Resmı statıstıkaǵa sáıkes, sońǵy táýlikte materıktik Qytaıda koronavırýs ınfektsııasynyń 20,1 myń jergilikti jaǵdaıy tirkeldi.

Óz kezeginde, birneshe apta boıy eldegi eń joǵary resmı aýrý kórsetkishi tirkelgen Shanhaıda ótken táýlikte COVID-19 ınfektsııasynyń 19,4 myńnan astam jergilikti jaǵdaıy anyqtalǵan.