Qytaı astanasyn shańdy daýyl basty

BEIJІŃ. QazAqparat – Qytaı astanasy Beıjińde sársenbi kúni shańdy daýyl soǵyp, aýa raıy qaýipsizdiginiń «sary» deńgeıi jarııalandy, dep habarlaıdy QazAqparat menshikti tilshisi.

Beıjińde tańerteńnen shańnan eshteńe kórinbeı, qaladaǵy ǵımarattar tuman arasynda qalǵan. Aýa lastaný deńgeıi qaladaǵy kóptegen aýdardarda jáne qala mańynda «aýyr» dep baǵalanýda.

RM2.5 usaq bólshekteriniń kontsentratsııasy 500 mkg/teksheden asty, bul QHR-da belgilengen normadan birneshe ese kóp.

Meteorologtar boljamynsha, túnde jaǵdaı jaqsaryp, kórsetkish birtindep tómendeıdi.

Aýanyń «halyq densaýlyǵy úshin qaýipti» deńgeıde lastanýyna baılanysty Beıjińniń Tótenshe jaǵdaı basqarmasy turǵyndarǵa ashyq aýada sporttyq is-sharalardan bas tartýdy usyndy.

Balalarǵa, qart adamdarǵa, sondaı-aq ókpe jáne júrek-qan tamyry aýrýlary bar turǵyndarǵa dalaǵa shyqpaýǵa jáne qolaısyz aýa raıy aıaqtalǵansha úıde bolýǵa keńes berildi.

Aıta keteıik, 21 naýryzdan bastap qum men shańnyń aýqymdy fronty Gansý provıntsııasyna, Nınsıa-hýı avtonomııalyq aımaǵyna jáne QHR Іshki Mońǵolııasynyń ortalyq bóliginde boldy. Qazir qumdy daýyl Qytaıdyń soltústigine, sonyń ishinde Beıjińge kelip, eldiń shyǵys teńiz provıntsııalaryna qaraı yǵysty.