Qytaı áskerı qorǵanysqa bólinetin qarajatty taǵy da kóbeıtedi

BEIJІŃ. QazAqparat – Qytaı bıligi 2022 jyly ulttyq qorǵanys shyǵyndaryn 7,1%-ǵa – 1,451 trıllıon ıýanǵa (229 mıllıard dollar) deıin arttyrýdy josparlap otyr, dep habarlaıdy QazAqparattyń Qytaıdaǵy menshikti tilshisi.

«Qytaıda ulttyq qorǵanys shyǵyndary 7,1%-ǵa ósip, 1,451 trıllıon ıýanǵa (229 mıllıard dollar) jetedi. Onyń ishinde qoǵamdyq qaýipsizdikti qamtamasyz etý shyǵyndary 4,7%-ǵa ósip, 194,993 mıllıard ıýanǵa (shamamen 30,8 mıllıard dollar) shyǵady», - delingen Qytaı Úkimetiniń baıandamasynda

Aıta ketsek, 2021 jyly Qytaıdyń qorǵanysqa bólingen qarajaty 6,8%-ǵa ósip, 1,356 trıllıon ıýandy (200 mıllıard dollardan asady) quraǵan bolatyn.