Qytaı arheologtary Mıntszıan ózenininiń túbinen Mın áýletiniń altyndary men kúmisterin tapty
ASTANA. QazAqparat - Qytaı arheologtary ıAntszy ózeniniń tarmaǵy bolyp esepteletin Sychýan provıntsııasyndaǵy Mıntszıan ózeniniń túbinen 300 jyldan astam ýaqyt burynǵy 10 myńnan astam eski artefaktilerdi tapty.
Bul týraly Sınhýa agenttigi dúısenbi kúni habarlady.
Ózen túbinen altyn, kúmis jáne qola monetalar, zergerlik buıymdar, sondaı-aq metall qarýlar - qylysh, pyshaq jáne naıza tabyldy. Qundy jádigerler Chendý qalasynyń ońtústiginde, 50 shaqyrym qashyqtyqta jatqan.
Tabylǵan artefaktar Mın áýleti kezeńine (1368-1644 jyldar) jatady. Qańtarda bastalǵan arheologııalyq jumystar sáýirge deıin jalǵasady.
«Jádigerler ǵylym, tarıh jáne mádenıet úshin asa qundy. Olar Mın áýletiniń saıası, ekonomıkalyq jáne áleýmettik turmys-tirshiligin zertteý úshin mańyzdy bolyp otyr»,- dep málim etti arheologtardyń biri, Beıjiń ýnıversıtetiniń qyzmetkeri Lı Botsıan.
