Qytaı arheologtary Altaı aımaǵynda on myńdaǵan jyl burynǵy adam tirshiliginiń izin tapty
ASTANA. QazAqparat - Qytaı arheologtary Shyńjań-Uıǵyr avtonomııalyq ólkesi Altaı aımaǵynyń Jemeneı aýdanynda tas úńgirden ejelgi adam tirshiliginiń izin tapty, dep habarlaıdy Sınhýa.
Shyńjań ejelgi eskertkishter men arheologtar ınstıtýtynyń qyzmetkeri ıÝı Tszıantszıýnniń habarlaýynsha, jynys qabatynyń ózgeristerin jáne tastan jasalǵan eńbek quralyn óńdeý tehnologııasyn taldaý negizinde arheologtar aldyn ala tujyrym jasaǵan. 10 myń jyl buryn paleolıt dáýirinde bul úńgirde ejelgi adamdar turǵan.
Tabylǵan úńgir negizgi úńgirden jáne 10-nan astam shaǵyn úńgirden turady. 2014-2015 jyldary Shyńjań arheologtary bul jerden sazdan jasalǵan ydys synyqtaryn qazyp aldy. Al osy jylǵy shildede Shyńjań ınstıtýty men Beıjiń ýnıversıtetiniń arheologtary paleolıt dáýirinen keıingi kezeńdegi tastan jasalǵan eńbek quralyn tapty.
