Qytaı arheologtary 2000 jyl saqtalǵan ishimdigi bar qumandy tapty
ASTANA. QazAqparat - Qytaıda arheologtar Tsın áýleti kezeńindegi qorymda qazba jumystaryn júrgizý barysynda ishinde alkogoldi ishimdigi bar qumandy qazyp aldy, dep habarlaıdy «QazAqparat» HAA Sınhýa agenttigine silteme jasap.
Shensı provıntsııasynda tabylǵan jádigerdiń 2000 jyldyq tarıhy bar. Ol bizdiń dáýirimizge deıingi 221-207 jyldarǵa tıesili. Jerleý rásimine arnalǵan qumanmen birge qorymnan taǵy 260 zat tabylǵan.
Arheologtardyń aıtýynsha, tabıǵı zattarmen orap salynǵan qumannyń ishinen shamamen 300 ml jýyq alkogoldi sýsyn shyqqan.
Atalǵan suıyqtyq móldir jáne aqshyltym túske ıe. Zertteýshiler bul ishimdiktiń quramynan glýtamın qyshqyly kezdeskendikten, onyń qarapaıym ashytý jolymen jasalǵanyn alǵa tartyp otyr.
Qorymnan sonymen qatar, uzyndyǵy 60 sm bolatyn qoladan soǵylǵan qylysh jáne tasbaqa saýytynan jasalǵan ish qýysyna arnalǵan qalqan tabyldy.
