Qytaı Arab elderindegi jaǵdaıdyń beıbit jolmen rettelýin qoldaıdy - QHR SІM
BEIJІŃ. 9 naýryz. QazAqparat /Rýslan Súleımenov/ - Qytaı, arab elderiniń sarabdaldyǵyna jáne olardyń ózderindegi turaqtylyq pen damýdy qalpyna keltire alatyndyǵyna senimdi.
Bul týraly 8 naýryzda Beıjińde ótken baspasóz máslıhatynda Qytaı Syrtqy ister mınıstrliginiń resmı ókili Tszıan ıÝı málim etti.
«Arab problemalaryn retteýde Arab memleketteri lıgasynyń oń jáne syndarly rol atqara beretindigine Qytaı úmitti», - dep atap kórsetti Tszıan ıÝı óz sózinde.
Qytaı dıplomaty habarlaǵandaı, eldiń Syrtqy ister mınıstri ıAn Tszechı dúısenbi kúni Arab memleketteri lıgasynyń Bas hatshysy Ámir Musamen telefon arqyly sóılesti. Taraptar áńgime barysynda qytaı-arab qatynastary jáne Taıaý Shyǵystaǵy qazirgi ahýal týraly pikir almasty.
«Qytaı tarapy Taıaý Shyǵystaǵy jaǵdaıǵa jiti nazar aýdaryp otyr jáne oryn alyp jatqan qaıshylyqtardyń dıalog arqyly sheshiletinine, múddeli elderdiń egemendigine, táýelsizdigine jáne aýmaqtyq tutastyǵyna negizdelgen basqa da beıbit joldarmen retteletindigine úmit artyp otyr», - dep atap kórsetti Qytaı syrtqy ister mınıstrliginiń ókili óz sózinde.
