Qytaı arab elderin energetıkalyq jáne saýda-ekonomıkalyq yntymaqtastyqty keńeıtýge shaqyrdy
INЬChÝANЬ. 16 qyrkúıek. QazAqparat - QHR bılik ókilderi arab elderimen energetıka jáne saýda salasyndaǵy yntymaqtastyqty odan ary keńeıtýge shaqyrdy.
Nınsıa-Hýeıskıı avtonomııalyq aýdanynyń ákimshilik ortalyǵy Inchýan qalasynda «Qytaı-Arab elderi-2013» EKSPO-nyń ashylýynda Qytaı Ulttyq saıası konsýltatıvti keńesi búkilqytaılyq komıtetiniń tóraǵasy ıÝı Chjenshen osyndaı málimdeme jasady.
Dárejesi boıynsha aspan asty eliniń tórtinshi sheneýniginiń sóılegen sózinde tikeleı Sırııadaǵy daǵdarys týraly aıtylmasa da, ıÝı Chjenshen «beıbitshilik, turaqtylyq pen damý Qytaı halqy men arab elderiniń ortaq múddelerine jaýap beretinin» aıtty.
Sonymen qatar, Qytaı eki jaqty da saıası ózara senimdi nyǵaıtý, saýda-ekonomıkalyq jáne energetıkalyq yntymaqtastyqty tereńdetip, gýmanıtarlyq baılanysty jandandyrýǵa úndedi.
Ótken jeksenbi Qytaıdyń soltústik batysynda Nınsıa-Hýeıskıı avtonomııalyq aýdanynda «Qytaı-Arab elderi-2013» EKSPO kórmesi ashyldy. Halyqaralyq kórme 15-19 qyrkúıek aralyǵynda 20 mıllıon qytaı musylmandarynyń «úıine» aınalǵan Nınsıada ótýde.
2010 jyldan beri 3 jyl boıy ótkizilip kele jatqan «Qytaı-Arab elderi» saýda-ekonomıkalyq forýmy QHR ortalyq basqarýynda EKSPO-ǵa aınaldy.
Kórmege 7300-den astam qytaı jáne sheteldik resmı tulǵalar, Iordanııa, Saýd Aravııasy, Kýveıt, Sırııa jáne basqa arba elderinen bıznesmender men ınvestorlar qatysady.
