Qytaı AÓІSShK dıalogyna belsendi qatysýǵa daıyn - QHR tóraǵasynyń orynbasary Lı ıÝanchao
BEIJІŃ. 28 maýsym. QazAqparat - Qytaı ShYU jáne AÓІSShK sekildi aımaqtyq qaýipsizdik salasyndaǵy yntymaqtastyq dıalogyna belsendi qatysýǵa daıyn.
Bul týraly Beıjińde ótken II Dúnıejúzilik beıbitshilik forýmynda QHR tóraǵasynyń orynbasary málimdedi.
«Qytaı ashyq, aýqymdy ári ádil halyqaralyq, aımaqtyq qaýipsizdik pen yntymaqtastyq arhıtektýrasyn qurý úshin Shanhaı Yntymaqtastyq Uıymy, Ońtústik-Shyǵys Azııa elderi qaýymdastyǵy jáne Azııadaǵy Ózara is-qımyl jáne Senim sharalary keńesi sııaqty aımaqtyq qaýipsizdik salasyndaǵy yntymaqtastyqtar dıalogyna belsendi qatysýǵa daıyn», - dep málimdedi QHR tóraǵasynyń orynbasary Lı ıÝanchao.
«ShYU 12 jyl buryn qurylǵan kúnnen beri «úsh zulymdyq kúshpen» kúresýde de, beıbitshilik pen álemdik jáne aımaqtyq turaqtylyqty qoldaýda da mańyzdy ról atqaryp keledi», - dep atap aıtty Lı ıÝanchao.
Esterińizge sala keteıik, 2014 jyly Qytaı AÓІSShK tóraǵalyǵynyń mindetin óz moınyna alady. Keńesti shaqyrý týraly ıdeıany alǵash ret Qazaqstan Respýblıkasynyń Prezıdenti Nursultan Nazarbaev 1992 jyly qazanda BUU Bas Assambleıasynyń 47-shi sessııasynda jarııalaǵan.
Ekinshi beıbitshilik forýmyna «Beıbitshilik, damý, ınnovatsııalar» uranymen 16 memlekettiń ókilderi qatysýda. Atalǵan alańda halyqaralyq jáne aımaqtyq qaýipsizdik salasyndaǵy yntymaqtastyqty damytý máseleleri sóz bolady.
