Qytaı altyn qory boıynsha álemde 5-shi orynǵa shyqty
ASTANA. QazAqparat - Qytaı altyn qory boıynsha álemde 5-shi orynǵa shyqty. Onyń ıeliginde bul qundy metaldyń 1658 tonnasy bar.
Mundaı maǵlumat juma kúni Qytaı ulttyq bankiniń resmı habarlamasynda jarııalandy. Qytaı altyn qory kólemi boıynsha Reseıden ozyp, besinshi orynǵa shyqty. Maýsym aıynyń sońynda Reseıde shamamen 1238 tonna altyn bolǵan. Alǵashqy tórt orynda sáıkesinshe AQSh, Germanııa, Italııa jáne Frantsııa tur.
«Qytaı sonymen birge álemdegi altyn óndirýshi iri elderdiń biri. 2014 jyly munda shamamen 450 tonna atalǵan baǵaly zat balqytylǵan», - delingen habarlamada.
