Qytaı alǵashqy ushaq tasyǵysh kemesin synady

ASTANA. QazAqparat - Qytaı óziniń jasap shyǵarǵan alǵashqy ushaq tasyǵysh kemesin tekserýden ótkizýdi bastady, dep habarlaıdy QazAqparat Habar 24 telearnasyna silteme jasap.

«Týre 001A» dep atalatyn alyp kemeni qurastyrý 2013 jyly bastalyp, ótken jyly aıaqtalǵan. Uzyndyǵy - 315, al eni 75 metr bolatyn ushaq tasyǵyshtyń salmaǵy - 70 myń tonna.

Onyń palýbasyna 36 áskerı shabýyldaýshy ushaq sııady.

Aıta ketetin jaıt, Qytaı 2005 jyly Ýkraınadan Varıag kemesin satyp alyp, ony jóndep, «Lıaonın» dep atalatyn tuńǵysh ushaq tasyǵysh kemesin jasap shyǵarǵan bolatyn. Ony tekserý 2011 jyly sátti ótip, kelesi jyly áskerı teńiz kúshteriniń paıdalanýyna berilgen. Sondyqtan «Týre 001A» áskerı-teńiz kúshteriniń ekinshi ushaq tasyǵysh kemesi bolǵaly tur.