Qytaı alǵash ret shet elderdiń qarýly kúshterin áskerı paradqa qatysýǵa shaqyrdy
ASTANA. QazAqparat - Qytaı kúzde Beıjińde Ekinshi dúnıejúzilik soǵystaǵy jeńistiń 70-jyldyǵy qurmetine ótetin áskerı paradqa qatysýǵa alǵash ret shet elderdiń qarýly kúshterin shaqyryp otyr, dep habarlaıdy Sınhýa.
«Bul Qytaı úshin erekshe oqıǵa. Alda ótetin sherý ótkendi keleshekpen baılanystyryp, Qytaıdyń álemdik qaýymdastyqpen qatynasyn nyǵaıtýǵa, beıbitshilik pen damý ıdeıasyn taratýǵa septigi tıedi dep úmittenemiz», - dep atap ótti áskerı parad isteri jónindegi top basshysynyń orynbasary Tsıýı Jýı QHR Memlekettik Keńesi uıymdastyrǵan baspasóz máslıhatynda.
