Qytaı alǵash ret óziniń kosmonavtıka kúnin atap ótti
ASTANA. QazAqparat - Beıjińge ǵarysh ónerkásibiniń júzden astam mamandary Qytaıda alǵash ret merekelenip otyrǵan Kosmonavtıka kúnine jınaldy, ol 24 sáýirde atalyp ótti, dep habarlady «Kosmonavtıka jańalyqtary» saıty Sınhýaǵa silteme jasap.
Kezdesýge qatysýshylar basqarylatyn ǵaryshtyq ushýlar men «Beıdoý» spýtnıktik navıgatsııa júıesiniń ulttyq josparyn damytý perspektıvalaryn talqylady.
Belgili bolǵandaı, kosmonavtıkany damytý jobasynyń 20 jyly ishinde Qytaı on ǵarysh kemelerin jáne bir maqsatty ushyrý apparatyn jáne on ǵaryshkerdi ǵaryshqa sátti attandyrdy.
«2016 jyly eldiń ǵaryshtyq ushyrýlary salasyndaǵy jumys jedelirek júrgizietin bolady, dep atap ótti ǵaryshtyq ınjenerııanyń bas jobalaýshy Chjoý Tszıanpın, ol sondaı-aq jumys kestesi týraly aıtty: shildede Chanchjen-7» zymyran tasyǵyshy ushyrylady, qazanda - «Shenchjoý-11» kemesi eki ǵaryshkermen attandyrylady, olardy «Tıangýn-2» stansasyna jetkizedi, onda olar 30 kún bolmaq.
Sonymen qatar alǵashqy qytaılyq ǵarysh stansasyn qurý jumystary tolyq kóleminde júrip jatyr. 2018 jyly ǵaryshtyq stansanyń bazıstik modeli ushyrylady, al 2022 jyly stansa qurylysy aıaqtalýy tıis, dep habarlady Sınhýa.
