Qytaı álemdik kóshbasshylyq tabaldyryǵynda tur
ASTANA. QazAqparat - Kóptegen adamdar Qytaı Amerıkany basyp ozady, AQSh jeńilisin moıyndaýy tıis dep sanaıdy. 44 eýropalyq elde ótkizilgen saýaldama nátıjesi boıynsha, kóptegen adamdar Qytaı álemdegi eń basty kóshbasshy bolady degen pikir aıtqan, dep habarlady APR PRESS tilshisi Pew Research kompanııasyna silteme jasap.
Pew Research kompanııasy Global Attitudes jobasy aýqymynda 2014 jyldyń kókteminde álemniń 44 elinde saýaldama ótkizgen bolatyn. Taldamashylar jahandyq aýqymda Qytaıdyń perspektıvalaryn atap ótti, sonyń ishinde ekonomıkasynyń ósimine, áskerı bıýdjetiniń ulǵaıýyna jáne halyqaralyq mártebesiniń nyǵaıa túsýine joǵary baǵa berdi.
Zertteýdegi basty suraq «Qytaı jetekshi álemdik sýperderjava retinde AQSh-ty aýystyra ala ma?» degen saýal boldy.
Suraý salynǵandardyń 49 paıyzy jetekshi sýperjerjava retinde Qytaı Amerıkany basyp ozady dese, birqatary qazirdiń ózinde ozyp ketti, dep jaýap qaıtarǵan. Zertteýge qatysqan amerıkandyqtar da (49 paıyz) osy pikirdi jaqtaǵan. Eske, sala keteıik, AQSh ázirge ІJÓ jáne áskerı shyǵyndar boıynsha kóshbasshy bolyp otyr. Alaıda Amerıka qazirdiń ózinde kóshbasshylyqty ýysynan shyǵarý ústinde, budan ári onyń Qytaıǵa jol bereri anyq bolyp tur.
