Qytaı - álemdegi altyndy eń kóp paıdalanatyn memleket
ASTANA. 26 qańtar. QazAqparat - GFMS konsaltıngtik kompanııasynyń zertteýi boıynsha Qytaı álemdegi altyndy eń kóp qoldanatyn memleket bolyp tanyldy.
Altynnyń álemdik qoryn zerttegen uıymnyń málimetine súıensek, Qytaı byltyr 1189,8 tonna baǵaly metall satyp alǵan. Bul 2012 jylǵa qaraǵanda 32 paıyzǵa kóp. Altynnyń 724 tonnasy zergerlik buıymdar jasaýǵa baǵyttalǵan. Osy rette Qytaı birinshi ret Úndistandy basyp ozdy. Úndister 987,2 tonna altyn alǵan bolatyn. The Financial Times gazetinde jarııalanǵan maqalaǵa júginsek, Qytaıda altynnan jasalǵan zergerlik buıymdar ınvestıtsııalyq maqsatta paıdalanylady. Sondaı-aq qytaılyqtardyń tarapynan altyn quımalary men tıyndary da zor suranysqa ıe, dep jazady Lenta.rý.
