Qytaı aldaǵy úsh jylda jańaratyn energııa kózderine $360 mlrd jumsamaq
ASTANA. QazAqparat -Qytaı bıligi 2020 jylǵa deıin jańaratyn energııa kózderine 360 mlrd dollardan astam qarjy jumsaýdy kózdep otyr.
Bul týraly QHR Memlekettik energetıkalyq basqarmasy jarııalaǵan baıandamada aıtyldy, dep habarlaıdy QazAqparat TASS agenttigine silteme jasap.
Vedomstvo mamandarynyń esebine sáıkes, energetıkanyń atalmysh sektoryn keńeıtý elde qosymsha 13 mln jumys ornyn qurýǵa múmkindik beredi. Qujatta anaǵurlym mańyzdy baǵyttardyń biri gıdroenergetıka (2020 jylǵa qaraı qytaılyq GES-terdiń jalpy qýatyn 380 myń MVt-qa deıin arttyrý josparlanýda), jel stansylary (qýattylyq 210 myń MVt-qa deıin kúsheıtiledi), kún qondyrǵylary (110 myń MVt-qa deıin), bıotehnologııalar (15 myń MVT-qa deıin) ekeni jazylǵan.
