Qytaı AQSh-tyń Reseıge qarsy sanktsııalaryna qatysty ustanymyn bildirdi
ASTANA. QazAqparat - Qytaı Halyq Respýblıkasy Syrtqy ister mınıstrliginiń resmı ókili Lý Kań AQSh-tyń Reseı, Iran jáne Soltústik Koreıaǵa qarsy jańa sanktsııa engizýine qatysty QHR ustanymyn jarııa etti, dep habarlaıdy QazAqparat.
«Reseı, Germanııa, Frantsııa sekildi memleketter sanktsııalar týraly óz kózqarastaryn bildirdi. Qytaı úkimeti ejelden eki el arasyndaǵy daýlardy kelisim arqyly sheshýdi qoldaıdy, bir jaqty sanktsııa jarııalaý áreketterin quptamaımyz», - dedi Lý Kań.
Eske sala ketsek, AQSh Prezıdenti Donald Tramptyń Reseıge qarsy sanktsııa engizý týraly zańǵa qol qoıǵan bolatyn. AQSh kongresiniń ókilder palatasy ótken aptada qabyldaǵan zań jobasynda amerıkalyq kompanııalar men jeke tulǵalarǵa sanktsııaǵa ilikken reseılik banktermen mámile jasaýǵa tyıym salynady. Sonymen qatar reseılik energetıkalyq sektorǵa da jańa shekteýler engiziledi.
