Qytaı AQSh-ty Taıvanǵa qarý-jaraq jetkizý jónindegi josparyn toqtatýǵa shaqyrýda
BEIJІŃ. Qańtardyń 6-sy. QazAqparat /Rýslan Súleımenov/ - Qytaı tarapy AQSh-ty Taıvanǵa qarý-jaraq satýdyń zalaldyǵyn túsinýge,
úsh qytaı-amerıkan kommıýnıkesin qatań saqtaýǵa jáne aralǵa qarý jetkizý jónindegi josparyn toqtatýǵa shaqyrýda. Bul týraly seısenbi, qańtardyń 5-i kúni ótken turaqty baspasóz máslıhatynda Qytaı Syrtqy ister mınıstrliginiń resmı ókili Tszıan ıÝı hanym málim etti.
Tszıan ıÝıdyń atap kórsetýinshe, eldiń egemendigi men aýmaqtyq tutastyǵyna qatysty taıvan jáne tıbet máseleleri qytaı tarapynyń negizgi múddelerin qamtıdy. «Qytaı tarapy dalaı-lamanyń basqa elderde bolýyna jáne ózge memleketterdiń saıası qaıratkerleriniń onymen kez kelgen formatta jáne kez kelgen másele boıynsha kezdesýlerine árqashan úzildi-kesildi narazylyq bildiredi», - dep atap kórsetti vedomstvo ókili.
AQSh-pen aradaǵy saýda-ekonomıkalyq yntymaqtastyq máselesine toqtalǵan qytaı dıplomaty, taraptardyń atalmysh saladaǵy ekijaqty baılanystardyń salaýatty damýyn qamtamasyz etý úshin saýda-sattyqtaǵy protektsıonızmge myǵym qarsy turýlary kerek ekenin málim etti.
