Qytaı AQSh Prezıdentiniń Dalaı-lamamen bolǵan kezdesýine narazylyq bildirdi
BEIJІŃ. Aqpannyń 19-y. QazAqparat /Rýslan Súleımenov/ - Beıjińniń resmı narazylyǵyna qaramastan, AQSh Prezıdenti Barak Obama beısenbi, aqpannyń 18-i kúni Aq úıde Dalaı-lamamen kezdesti.
Qytaı Halyq Respýblıkasynyń resmı ókili Tszıan ıÝı hanym málim etkendeı, AQSh-tyń bul áreketi halyqaralyq quqyqtyń negizgi normalaryn buzyp otyr jáne barlyq úsh qytaı-amerıkan birlesken kommıýnıkesine qaıshy keledi.
«Qytaı úzildi-kesildi narazylyq bildiredi. Qytaı amerıkan tarabynan Qytaıdyń ustanymyna muqııat bolýdy jáne teris saldarlardy joıý úshin dereý sharaldar qabyldaýdy talap etedi. «Tıber separatısterin» qoldaýdy jáne Qytaıdyń ishki isine aralasýyn toqtatýdy, qytaı-amerıkan qarym-qatynasynyń ornyqty damýyn qamtamasyz etý úshin naqty qımyldar jasaýdy talap etedi», - dep atap kórsetti Qytaı dıplomaty.
AQSh Memlekettik hatshysy Hılları Klınton da keshe Vashıngtonda Dalaı-lamamen kezdesti.
