Qytaı aǵymdaǵy jyly ekonomıka kólemi jaǵynan AQSh-tan ozýy yqtımal
ASTANA. QazAqparat - Qytaı aǵymdaǵy jyly ekonomıka kólemi jaǵynan AQSh-tan ozýy múmkin. Mundaı boljamdy Álemdik bank ekonomısteriniń jańa zertteýlerine súıengen Financial Times basylymy jasap otyr.
Mamandardyń paıymynsha, AQSh ekonomıkasy burynǵydan erterek kóshbasshy tizgininen aıyrylyp qalýy yqtımal.
Sarapshylar ár elderdegi satyp alýshylyq qabiletti zerttep, salystyrǵan. Bul ekonomıkanyń damýyn anyǵyraq baıqaýdyń amaly.
AQSh 1872 jyly Ulybrıtanııanyń ornyn basyp, ekonomıka jaǵynan damyǵan elderdiń kóshbasshysy atandy. Osy kúnge deıin eshkimge des bermeı keledi. Buǵan deıin ekonomısterdiń basym bóligi 2019 jylǵa deıin AQSh Qytaıdy alǵa shyǵarmaıtynyn eseptegen bolatyn, dep habarlady Rosbalt.
