Qytaı 9 aıdyń ishinde álemdegi eń bıik ǵımarat salýdy josparlap otyr
BEIJІŃ. 29 qarasha. QazAqparat - Hýnan provıntsııasynyń Chansha qalasynda 2013 jyly álemdegi eń bıik ǵımarat salynýy josparlanýda.
Kókpen talasqan «Aspan qalasy» ǵımaratynyń bıiktigi 838 metrdi quraıtyn bolady (220 qabat). Ol álemdegi eń bıik 828 metrlik «Býrdj Dýbaı» ǵımaratynan da bıik bolyp, rekordty jańartpaq.
«Aspan qalasy» ǵımaratynyń aýmaǵy 1,2 mln. sharshy metrdi quraıdy. Ǵımarattyń ishinde balabaqshalar, mektepter men medıtsınalyq emhanalar, fıtnes-ortalyqtar, meıramhanalar, dúkender men keńseler ornalastyrylatyn bolady. 16-shy qabattan 180-shi qabatqa deıin 4 myńnan astam otbasy turmaq. Jalpy alǵanda ǵımaratta 30 myńnan astam adam jumys istep ári turatyn bolady.
Aıta keteıik, qazirgi ýaqytta Qytaıda 200 metrden asatyn 239 kópqabatty ǵımarat salynýda.
