Qytaı 8 qańtardan bastap shekarasyn qaıta ashady
BEIJІŃ. QazAqparat – Qytaı 2023 jyldyń qańtarynan bastap karantındi alyp tastamaqshy. Bul týraly SCMP basylymy jarııalady, dep habarlaıdy QazAqparat menshikti tilshisi.
Basylymnyń málimetinshe, Qytaı 8 qańtardan bastap COVID-19 juqpaly aýrýlardyń qaýiptiligi jaǵynan A tobynan V tobyna ótken kezde karantınnen bas tartyp, shekarasyn ashpaqshy.
SCMP atap ótýinshe, 2020 jyldan bastap QHR COVID-19-dy A tobyna jatqyzyp jatyr. Oǵan tyrysqaq jáne oba kiredi. Buǵan sáıkes, naýqastar ızolıatsııalanyp, dárigerler onymen baılanysqan adamdarly anyqtaıdy, al bılik eldi mekenderde karantın sharalaryn engizedi.
SCMP Qytaıdyń mynadaı ózgeriske daıyndalyp jatqanyn atap ótti: PTR-testti tapsyrý budan bylaı mindettelmeıdi, al QHR Densaýlyq saqtaý isi boıynsha memlekettik komıteti jeksenbiden bastap kún saıyn jarııalaıtyn COVID-19 epıdemııasy týraly aqparatyn toqtatqan.
«Mundaı aqparatty Qytaı aýrýdyń aldyn alý jáne baqylaý ortalyǵy anyqtama jáne zertteý úshin jarııalaıdy», - delingen Qytaı vedomstvosynyń saıtynda jarııalanǵan habarlamasynda.
Foto : Reuters
