Qytaı 60 jastan asqan 220 mln qart úshin qyzmet naryǵyn ashýǵa májbúr
ASTANA. QazAqparat - 2020 jylǵa qaraı Qytaı qarttarǵa qamqorlyq kórsetý boıynsha óz naryǵyn tolyq ashady. Bul týraly QHR Memlekettik Keńesiniń keńsesi málimdedi, dep habarlady Sınhýa.
Bul qadam naryqtaǵy qyzmet pen ónim usynysyn aıtarlyqtaı ulǵaıtýǵa, qaǵıdalardy retteýge jáne qyzmet sapasyn jaqsartýǵa múmkindik beredi, delingen málimdemede.
Sheteldik ınvestıtsııalar úshin atalǵan naryq qoljetimdi bolady jáne ruqsat berý boıynsha ákimshilik úderister jeńildetiledi.
Búgingi tańda halyqtyń qartaıýy Qytaı úshin ózekte másele bolyp otyr. Qazirgi ýaqytta eldegi 220 mln. halyq 60 jastan asqan, bul kórsetkish eldegi turǵyndardyń 16,1 paıyzyn quraıdy jáne kúnnen-kúnge qarqyndy ósip keledi.
