Qytaı 300 myń sheneýnikti jemqorlyq úshin jazalady
ASTANA. QazAqparat - Qytaı kommýnıstik partııasy ótken jyly 300 myń sheneýnikti jemqorlyq úshin jaýapkershilikke tartty, dep habarlady jeksenbi kúni BBC News.
Olardyń ishinde úshten eki bóligi «jeńil jazaǵa» ushyrady, atap ótkende, kóbi otstavkaǵa jiberildi.
80 myńǵa jýyǵy budan qatań jaza aldy.
Buǵan deıin Qytaı Halyq Respýblıkasynyń tóraǵasy Sı Tszınpın jemqorlyqqa qarsy naýqannyń bastalǵany týraly jarııalaǵan bolatyn. Partııanyń keıbir joǵary qyzmettegi tulǵalarynyń qylmysy ashyldy.
Jemqorlyq qylmysyna qatysy bar degen kúdikpen adamdar apta saıyn derlik ustaldy.
Ótken jyly qylmys jasaǵan sheneýnikterdiń jalpy sany Beıjińdegi jyl saıynǵy parlament sessııasynda belgili boldy.
