Qytaı 3 jańa atomdyq súńgýir kemeni paıdalanýǵa engizedi
ASTANA. QazAqparat - Qytaı eliniń Áskerı-Teńiz kúshteri (ÁTK) kemelerge qarsy dybystan jyldam zymyrandar atqylaı alatyn vertıkaldy iske qosý júıesi bar úsh jańa atomdyq kópmaqsatty súńgýir kemeni paıdalanýǵa berýge daıyndalyp jatyr, dep habarlady MIGnews-ke silteme jasaǵan Rosbalt.
Qytaı ÁTK óz saıtynda jańa nusqanyń shýdy azaıtý, jyldamdyq pen ushqyrlyqty, sondaı-aq dybystan jyldam kemege qarsy sońǵy shyǵarylǵan qytaılyq YJ-18 zymyranymen atqylaý qabiletin jaqsartý úshin jasalǵanyn málimdedi.
Qazirgi ýaqytta Qytaı óziniń sýasty mıssııalary men patrýlderiniń salasyn keńeıtýde. Memlekettiń kópmaqsatty súńgýir kemeleri Qurama Shtattarǵa qaraǵanda áldeqaıda kóp.
Budan basqa, qazirgi kezde qytaılyqtar PLARB jańa jańǵyrtylǵan platformasyn, sondaı-aq JL-3 radıýsy úlken zymyrandaryn shyǵarý jumystarymen aınalysyp jatyr.
