Qytaı 3 mlrd-qa jýyq jolaýshy qatynaıtyn merekege ázirlenýde
ASTANA. QazAqparat - Qytaıdyń «kóktem merekesi» dep ataıtyn jańa jyly bıyl 28 qańtarǵa týra keledi, dep habarlaıdy QazAqparat.
Qytaıdyń kóktem merekesi kezinde saparǵa shyqqandardyń legi 13 qańtardan bastap 21 aqpanǵa deıin, ıaǵnı 40 kúnge sozylady.
Statıstıka agenttigi osy aralyqta eldegi jolaýshylar tasymaly 2,9 mlrd-qa jetedi dep boljap otyr. Bul ótken jylǵy mereke kezindegi jolaýshylar kóleminen 2,2 paıyzǵa artyq.
Olardyń arasynda, temir jol arqyly tasymaldanatyn jolaýshylar sany 356 mıllıonǵa jetip, jańa rekord ornatý múmkin.
Eske sala ketsek, qytaılardyń Jańa jyly - eń áýeli otbasylyq mereke. Bul mereke kúnin qytaılar ata-anasy men baýyrlarynyń arasynda ótkizýge tyrysady. Sol sebepten de qytaılyqtar aýyldaryna barý úshin aldyn-ala jolǵa daıyndalady. Sondyqtan áýe jáne temir jol kassalarynyń aldynda bılet alýǵa turǵandardyń uzaq-sonar kezegi paıda bolady.
Muhtar MURAT
