Qytaı 2050 jylǵa qaraı saýda salasyndaǵy alpaýyt elge aınalady
ASTANA. QazAqparat - Qytaı 2050 jylǵa qaraı álemniń saýda-sattyq salasyndaǵy alpaýyt eline aınalmaq, dep habarlaıdy Sınhýa .
QHR Kommertsııa mınıstrligi osy baǵytta "jol kartasyn" ázirlegen. Bul týraly eldiń kommertsııalyq ister boıynsha ótken jıynda belgili boldy.
Naqty derekterge qaraǵanda, Qytaı sońǵy bes jyl ishinde ishki tutyný, syrtqy saýda, tartylǵan ishki ınvestıtsııa kólemi boıynsha álem elderiniń aldyna shyqqan.
Qytaıdyń Kommertsııa mınstri Chjýn Shanıanyń aıtýynsha, atalǵan "jol kartasy" úsh kezeńmen júzege asyrylady. Atap aıtqanda, 2020 jylǵa qaraı eldi álemniń eń iri saýda ortalyǵyna aınaldyrý mártebesi nyǵaıtylady. 2035 jyly qýatty saýda derjavasynyń qurylystary júrgizilse, 2050 jylǵa qaraı alǵa qoıylǵan maqsatqa qoljetkiziletin bolady.
