Qytaı 2023 jyly ǵaryshqa 60-tan astam keme ushyrady
Atap aıtqanda, Qytaı aeroǵarysh ǵylymy jáne tehnologııalar korporatsııasy 50-den astam ǵarysh ushyrylymyn júrgizedi. Sonymen qatar, Qytaı aeroǵarysh ǵylymy jáne ónerkásip korporatsııasyn qosa alǵanda, ózge kásiporyndar jáne 10-nan astam ushyrylymdy júzege asyrady.
2023 jyly birinshi ushyrylymdy «Chanchjen-6V» zymyran tasyǵyshy – ekologııalyq taza otynmen qozǵalatyn úsh satyly «Chanchjen-6» modıfıkatsııasy júzege asyrady.
Jyldyń birinshi jartysynda «ZK-1 Y2» modıfıkatsııasyndaǵy qýatty qatty otyndy zymyran tasyǵyshtyń debıýttik ushyrylýy kútilip otyr.
2023 jylǵa arnalǵan josparǵa sáıkes, Qytaıdyń birinshi orbıtalyq ǵarysh stantsııasyna taıkonavtar men júkterdi jetkizý úshin «Chanchjen» ár túrli modıfıkatsııasyndaǵy zymyran tasyǵyshtar qoldanyla bermek.
Sonymen qatar, Aı men Marsty zertteý jobalary aıasynda Qytaı kelesi urpaq zondtaryn ázirleý jumystaryn jalǵastyrady. Aıdyń ońtústik polıýsinde sý izdeý úshin «Chane-7» aı zondyn iske qosý josparlanǵan.
Foto: russian.news.cn