Qytaı 2020 jylǵa qaraı ortasha dáýletti qoǵam qurady - Hý Tszıntao
BEIJІŃ. 8 qarasha. QazAqparat - Qytaı 2020 jylǵa qaraı ortasha dáýletti qoǵam qurý tapsyrmasyn tolyǵymen oryndaıdy.
Bul týraly búgin Beıjińde Qytaı Kommýnıstik partııasynyń (QKP) 18-shi seziniń ashylýynda uıymnyń bas hatshysy Hý Tszıntao aıtty.
«Bizge osy kezeń jaǵdaıyndaǵy ózgeristerdi qatesiz baǵalaı otyryp, qolaıly sátti tolyǵymen paıdalanyp, qarsy qyr kórsetýshilerdi sýyqqandylyqpen elemeı, bastamaǵa berik bolyp, ústemdilikke jáne bolashaqqa ıelik etýge umtylyp, sol arqyly 2020 jylǵa qaraı ortasha dáýletti qoǵam qurý aýqymdy mindetiniń oryndalýyn qamtamasyz etý qajet», - dep málimdedi Hý Tszıntao.
Qytaı Kompartııasy kóshbasshysynyń sózine qaraǵanda, alǵa qoıylǵan mindetti oryndaý úshin «2010 jylmen salystyrǵanda ІJÓ men qalalyq jáne aýyldyq turǵyndardyń ortasha jan basyna shaqqandaǵy kiristerin eki eselendirý» qajet.
Hý Tszıntao «memleket aýyldarǵa, ortalyq jáne batys óńirlerge qoldaýdy arttyratyndyǵyn», olarǵa «reformalar men ashyqtyqty» iske asyrý qarqynyn jyldamdatýǵa qolǵabys etetindigin, sondaı-aq «halyqtyń ómirin jaqsartatyndyǵyn» ýáde etti.
Búgin Beıjińde ashylǵan QKP-nyń 18-shi sezi 14 qarashaǵa deıin jalǵasady. Oǵan 82 mln.-nan astam partııa músheleri qatysýda. Sezdiń delegattary QKP-nyń bas hatshysy Hý Tszıntaonyń baıandamasyn, tártipti tekserý jónindegi QKP Ortalyq komıssııasy baıandamasyn tyńdap, partııanyń Jarǵysyna túzetýler engizedi. Sezdiń qorytyndysy boıynsha jańa partııalyq basshylyq saılanady.
