Qytaı 2018 jyly ǵaryshqa óziniń orbıtalyq stansasyn ushyrýǵa nıetti
ASTANA. QazAqparat - QHR 2018 jyly ǵaryshqa óziniń orbıtalyq stansasyn ushyrýdy josparlap otyr. Ol 2022 jylǵa qaraı tolyq iske qosylatyn bolady, dep málim etti qytaılyq ǵarysh stansalaryn jasaý baǵdarlamasynyń bas konstrýktory Chjan Bonan.
Stansa birneshe modýlderden turady, olarda qytaılyq jáne sheteldik ǵaryshkerler jumys jasaıdy, dep áńgimeledi ol Qytaı jańalyqtar agenttigine. Qazir qytaılyq konstrýktorlar bolashaq stansanyń ómirlik qajetterin qamtamasyz etý júıesin jasaýmen aınalysýda, sonyń ishinde ottegi men sýdy paıdalaný jabdyqtary da bolmaq, dep jazady TASS.
Chjan Bonannyń aıtýynsha, QHR ushyrǵan orbıtadaǵy «Tıangýn-1» modýlinde tıisti tehnologııalar baıqaýdan ótýde. Bul synaqtar kelesi jyly da jalǵasady, dedi ol.
Sonymen birge Qytaıda shaǵyn tuıyq ekojúıeler salasyndaǵy zertteýler belsendi júrgizilip jatyr, olar bolashaqta ǵaryshty ıgerýde paıdalanylatyn bolady.
Budan buryn Chjan Bonan bolashaqta qytaı stansalary Aı men Marstan ári tuńǵıyqty jaryp ótip, alys ǵaryshqa sapar shege alatynyn málimdegen bolatyn.
