Qytaı 2010 jyly ekonomıkalyq ósý qarqynyn 8 paıyz deńgeıinde saqtap qalmaq

QHR Memlekettik keńesiniń premeri Ven Tszıabao juma kúni bastalǵan Búkilqytaılyq halyq ókilderi jınalysynyń kezekti sessııasynda osyndaı málimdeme jasady, dep habarlaıdy «RIA «Novostı» agenttigi.

2009 jyldyń qorytyndysy boıynsha Qytaı ekonomıkasynyń ósý qarqyny 8,7 paıyzǵa jetti, degenmen el ekonomısteri aǵymdaǵy jylǵa tym joǵary maqsattar qoıýdyń qajettiligi joq dep sanaıdy.

«Josparlanyp otyrǵan 8 paıyzdyq kórsetkish byltyrǵy deńgeıden shamaly tómendeý», dep atap kórsetti Ven Tszıabao sessııanyń ashylý rásiminde sóılegen sózinde.

Bul maqsattyń «ekonomıkanyń belgili bir ósý qarqynyn» saqtaý qajettiligi negizinde belgilenip otyrǵanyn aıtqan premer, ol úshin «ekonomıkalyq modeldi transformatsııalaý men ekonomıka qurylymyn úılestirýdi, ekonomıkalyq damýdyń sapasy men tiımdiligin arttyrýdy yntalandyrýǵa barynsha kúsh-jiger salynýy» kerek ekenin aıtty. Ven Tszıabonyń baǵalaýynsha, bıylǵy jyl - «halyqaralyq qarjy daǵdarysymen ári qaraı arpalysýdyń túıindi jyly bolmaq».

Bıylǵy sessııanyń jumysy naýryzdyń 14-ine deıin jalǵasady.