Qytaı 2,5 myńnan astam qashqyn jemqordy shetelden qaıtardy
ASTANA. QazAqparat - QHR bıligi 90 elde jasyrynǵan 2566 qashqyn jemqordy shetelden qaıtardy. Sondaı-aq, olardyń jymqyrǵan 8,6 mlrd ıýanyn ($1,25 mlrd) qaıtaryp aldy.
Bul týraly TASS China Daily gazetine silteme jasap habarlaıdy.
Basylym atap ótkendeı, 1283 adam kinálaryn moıyndap, Qytaıǵa óz erkimen qaıtyp kelgen. 410 qashqyn buryn Qytaı kommýnıstik partııasynyń múshesi bolyp, túrli memlekettik qyzmetterdi atqarǵan.
Qashqyn otandastardy izdeý jáne qaıtarý ortalyq jumys tobynyń málimdemesinde atalyp ótilgendeı, uıymdastyrylǵan bul naýqan «sheneýnikterdiń shetelge qashýyn toqtatýǵa septigin tıgizgen». Eger 2014 jyly shetelge 101 memlekettik qyzmetshi qashyp ketpekshi bolsa, ótken jyly olardyń sany 19-ǵa azaıǵan.
Odan bólek, Qytaı bıligi belsendi izdeýdegi 100 jemqordyń 39-yn elge qaıtardy.
