Qytaı 13,5 mlrd adam bir ýaqytta sóılesetin baılanys júıesin synaqtan ótkizdi
ASTANA. QazAqparat - Qytaı alǵash ret bir ýaqytta 13,5 mlrd adam sóılesetin optıkalyq-talshyqty baılanys júıesin synaqtan ótkizdi.
Bul týraly Sınhýa agenttigi Ýhan telebaılanys ǵylymı-zertteý ınstıtýtyna (Ortalyq Qytaı) silteme jasap habarlady.
"Bul Qytaı optıkalyq baılanys tehnologııasy damýdyń jańa kezeńine tústi degen sóz, alys qashyqtyqtarǵa kóz ilespes jyldamdyqpen asa iri derekter kólemi jiberiletin bolady», - dedi jobaǵa qatysýshylar. Olar aqparat jiberý jyldamdyǵynyń sekýndyna 560 terabaıt bolǵanyn atap ótti.
Sońǵy ýaqytta jelilik baılanystyń jahandyq júıeleri aqparattyń kóbeıýinen kóp aýyrtpalyqqa ushyraýda. Sondyqtan, álemniń kóptegen elinde, sonyń ishinde QHR-da jetildirilgen optıkalyq-talshyqty tehnologııalardy ázirleý qajettiligi týyndady. Qytaı jyldamdyǵy sekýndyna 100 terabaıttan asatyn baılanys júıesin synaqtan ótkizip kórdi, alaıda jergilikti bılik bir jyldan keıin bul kórsetkishti eki esege, keıinirek úsh esege kóbeıtti.
