Qystyń aıazynan respýblıkanyń keıbir aımaqtarynda opat bolǵandar bar
ASTANA. Qańtardyń 21-i. QazAqparat /Aıdar Ospanalıev/ - Qystyń qaqaǵan aıazynda respýblıkanyń keıbir aımaqtarynda azmattardyń úsip, opat bolýy oqıǵalary tirkeldi.
Bul týraly búgin jýrnalıstermen bolǵan brıfıngte Tótenshe jaǵdaılar mınıstrliginiń Baspasóz qyzmeti basqarmasynyń aǵa ınjeneri Lıýbov Shaposhnıkova málim etti, dep habarlaıdy QazAqparat.
Onyń aıtýynsha, qańtardyń 3-i kúni Batys Qazaqstan oblysynda kórshi aýylǵa qonaqqa barǵan shopannyń otbasy qaıtarda kúnniń qatty sýytyp, tuman túsýine baılanysty joldan adasyp ketken. Otaǵasy joldy taýyp, úıine baryp at-kólik ákelgenshe áıeli 4 jasar balasyn óziniń kıimine orap, ózi úsip opat bolǵan. Bala azdaǵan úsik shalǵany bolmasa, din aman. «Qańtardyń 8-i kúni Soltústik Qazaqstan oblysyna qarasty Smırnov aýylynda úıdiń aýlasynda 1964 jáne 1965 jyly týylǵan erke pen áıel adam qatyp qalǵan. Sondaı-aq qańtardyń 16-sy kúni Aqtóbe oblysyndaǵy Shevchenko aýylynda eki azamat úsip ólgen. Olardyń deneleri ótken jumada úıleriniń aýlasynan tabyldy. Qańtardyń 18-i kúni Soltústik Qazaqstan oblysynda 49 jasar áıel úsikten kóz jumdy», dedi baspasóz basqarmasynyń ınjeneri.
