Qystyń aýyly jaqyn, Astananyń Bilim basqarmasy qolaısyz aýa raıyna baılanysty sabaqtar toqtatylatyn parametrlerdi eske saldy

qysqy kezeńdegi aýa raıynyń qolaısyz jaǵdaılaryna baılanysty qala boıynsha bilim berý uıymdarynda (jalpy bilim beretin mektepter, kásiptik lıtseıler jáne kolledjerdiń 1-2 kýrs oqýshylary) sabaqtardy toqtatý parametrlerin usyndy.

Oqý jylynyń qysqy kezeńinde bilim alýshylardyń qaýipsizdigi men densaýlyǵyn saqtaý maqsatynda bilim uıymdarynda sabaqty toqtatýdyń tómendegideı parametrleri Astana qalasy ákimdigimen kelisip belgilendi:

1-4 synyptarda aýanyń temperatýrasy -25 gradýs jáne odan tómen (atmosferalyq aýanyń temperatýrasy jeldiń jyldamdyǵyna sáıkes) bolǵanda;

1-9 synyptarda aýanyń temperatýrasy -30 gradýstan tómen bolǵanda;

1-11 (12) synyptarda, kásiptik lıtseılerde, kolledjderde (1-2 kýrs oqýshylary úshin - 35 gradýstan tómen bolǵanda);

Sabaqty toqtatý týraly aqparat «31-kanal» teledıdar arnasynyń júgirtpe jolynda saǵat 6.45-ten 7.45-ke deıin (birinshi aýsym úshin) jáne 12.15-ten 13.00-ge deıin (ekinshi aýsym úshin) beriledi.

Sondaı-aq sabaqty toqtatý týraly aqparatty 118-01 (9.00-den 18.00-ge deıingi aralyqta), 169 (aqyly) qyzmeti telefondarynan alýǵa bolady.

Sonymen qatar, ata-analar ózderiniń balalary oqıtyn mekteptiń kezekshi jetekshisine ne mektep ákimshiligine habarlasýyna bolady.

Aqparatty Bilim basqarmasynyń bilim.astana.kz saıtynan oqýǵa bolady.