Qystaqtan shyǵyp ketken: Qyzylordada 6 jasar bala joǵaldy
QYZYLORDA. QazAqparat - Qyzylorda qalasynda alty jastaǵy bala iz-túzsiz joǵaldy, dep habarlaıdy QazAqparat tilshisi.
Bala oblys ortalyǵyndaǵy Tıtov qystaǵynan 27 sáýir kúni, saǵat 10.00 shamasynda úıinen belgisiz baǵytqa shyǵyp ketip, qaıta oralmaǵan. Onyń joǵalǵany jóninde aryz saǵat 19.35-te tústi.
Іzdestirý jumystaryna oblystyń Polıtsııa departamenti, Qyzylorda qalalyq polıtsııa basqarmasynyń jeke quramy, Tótenshe jaǵdaılar departamenti, eriktiler jáne jergilikti turǵyndar jumyldyryldy.
«Polıtsııa qyzmetkerleriniń kúshimen qalanyń kópqabatty úıleriniń shatyrlary, ójireleri jáne aýladaǵy lıýktary, saıajaılardaǵy tastandy úıler, qurylysy bitpegen ǵımarattar, jertóleler, Syrdarııa ózeniniń jaǵalaýy tekserilýde.
Іzdeý jumystary Polıtsııa departamenti bastyǵynyń qatań baqylaýynda.
Joǵalǵan jasóspirim týraly qandaı da bir aqparat anyqtalǵan jaǵdaıda Qyzylorda oblysy Polıtsııa departamentine, Qyzylorda qalalyq polıtsııa basqarmasyna shuǵyl túrde habarlasýdy suraımyz. Baılanys nómirleri: 8 (7242) 29-70-10, 29-75-20, 29-75-07 jáne 102 arnasy», - dep málim etti Qyzylorda qalalyq polıtsııa basqarmasynan.
