Qysta joǵalǵan adamdardy izdestirý jumystary jıi júrgizildi - R. Imanqulov
ASTANA. QazAqparat - Qystaǵy qolaısyz aýa raıy kezinde 118 adam qutqaryldy. Bul týraly búgin Astanada ótken baspasóz máslıhatynda QR ІІM Tótenshe jaǵdaılar komıtetiniń resmı ókili Rýslan Imanqulov málim etti.
«Qysta qolaısyz aýa raıynda jolǵa shyǵyp, adasyp, joǵalyp ketetin adamdardy izdestirý jumystary da jıi júrgizilgenin aıtyp ótkim keledi. Kóp jaǵdaıda baqtashylar izdestiriledi. Bul týraly aıtqan kezde 312 ret daýyl bolatyny aldyn ala eskertilgenin eske almasqa bolmaıdy. Alaıda, adamdar osy eskertýlerdi elemeıdi jáne joǵalý faktileri oryn aldy»,-dedi resmı ókil.
Onyń atap ótýinshe, qys kezeńinde jalpy TJK qyzmetterine izdestirý jumystaryn júrgizý týraly 131 ótinish kelip túsken. Jedel is-qımyldardyń nátıjesinde qystaǵy qolaısyz aýa raıy kezinde 118 adam qutqarylǵan eken.
