Qysta týǵan balalar jıirek solaqaı bolady
ASTANA. QazAqparat - Qysta týǵan ul balalar jazda ómirge kelgenderge qaraǵanda jıirek solaqaı bolady. Bul týraly zertteý derekterinde habarlanǵan, dep jazady Rosbalt.
Vena ýnıversıtetiniń mamandary 13 myń eresek adamdy zerttegen kórinedi. Osynyń nátıjesinde áıelderdiń 7,5 paıyzynyń jáne er adamdardyń 8,8 paıyzynyń solaqaı ekeni anyqtaldy. Sonymen qatar erler arasyndaǵy solaqaılardyń 8,2 paıyzy aqpan men qazan aılarynyń aralyǵynda ómirge kelgen. Al 10,5 paıyzy qarashadan qańtarǵa deıingi aralyqta týǵan.
Osy oraıda ǵalymdar solaqaı bolý múmkindigin anyqtaıtyn gormondar mólsheriniń deńgeıimen jyl mezgiliniń baılanysy bar degendi alǵa tartýda. Atap aıtqanda, ana qursaǵynda jetilý kezeńinde testosteronnyń joǵary deńgeıi adamdardy solaqaı qylady eken. Kún neǵurlym uzaq bolǵan saıyn testosteron deńgeıi de soǵurlym joǵaryraq bolady. Osy oraıda qysta týǵan balalar jaz boıy jatyrdaǵy damý kezeńinde bolǵandyqtan, olar kóbirek gormon alady.
