Qysta páterinen aıyrylǵandar dalada qalmaıtyn bolady
ASTANA. QazAqparat - Sot sheshimimen qysta páterinen aıyrylǵandar dalada qalmaıtyn bolady. «Qazaqstan Respýblıkasynyń keıbir zańnamalyq aktilerine turǵyn úı qatynastary máseleleri boıynsha ózgerister men tolyqtyrýlar engizý týraly» zań jobasynda osyndaı norma qamtylyp otyr. Bul týraly búgin Parlament Senaty Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysynda Ulttyq ekonomıka vıtse-mınıstri Qaıyrbek Óskenbaev málim etti.
Vıtse-mınıstrdiń sózine qaraǵanda, zań jobasynda negizgi jańalyqtardyń biri baspana quqyǵynan aıyrý máselesin qamtıdy.
«Birinshiden, jaǵdaıy joq, basynda bir ǵana baspanasy bolǵan adam úısiz qalsa, úsh aı ýaqytta jergilikti ákimdik ony úımen qamtamasyz tıis. Ekinshi másele, jalǵyz baspanasy bar adamdy qysta úıinen shyǵarý týraly sheshim qabyldansa, onda olardy qysta dalaǵa qaldyrýǵa bolmaıdy. Sondyqtan da, olardy qysta úıinen shyǵarmaý týraly ózgerister kózdelip otyr», - dedi vıtse-mınıstr Qaıyrbek Óskenbaev.
