Qysta maskany qalaı taǵý kerek

ALMATY. QazAqparat – Almaty qalalyq sanıtarlyq ekpıdemıologııalyq baqylaý departamenti basshysynyń orynbasary Ásel Qalyqova qysta maska taǵý talaptaryn túsindirdi, dep habarlaıdy QazAqparat tilshisi.

«Biz buǵan deıin de maskany qalaı durys taǵý kerektigin túsindirgen bolatynbyz. Bul bireýlerge maska bar degen kýálik úshin taǵylmaıdy. Ol qulaqta asylyp, ıekte turmaýy kerek. Maska aýyz ben muryndy tolyq jabýy tıis. Olaı bolmaǵan jaǵdaıda paıdasy joq», - dedi ol.

Spıker sheteldik mamandardyń maska jaıly pikirine túsinik berdi. Buǵan deıin birqatar zertteýshiler sýyq aýa raıynda kóshede áleýmettik qashyqtyq saqtalǵan jaǵdaıda maska taǵýdyń keregi joq ekenin aıtqan.

«Almaty sanıtarlyq epıdemıologııalyq baqylaý departamenti jarııalaǵan maska taǵýdyń sharttary bar. Sýyq aýa raıynda kóshede birneshe adam júrgen jaǵdaıda maska taǵý mindetteledi. Adamnyń qasynda áriptesi, tanysy bolsa, maska taǵyp sóıleskeni durys. Alaıda maska sýlanyp ketse, ol jaramsyz sanalady. Sýlanǵan maskany 2-3 saǵat taǵýǵa bolmaıdy», - dedi maman.

Ásel Halyqova birneshe ret taǵýǵa jaraıtyn shúberek maskany taǵýǵa tyıym salynbaǵanyn aıtty. Bul maskaǵa da joǵarydaǵy talaptar saı keledi.

Departament basshysynyń orynbasary saqtyq sharalaryn barynsha saqtaýǵa shaqyrdy.

«Aýrýdy juqtyryp em izdegenshe, aýyrmaǵan durys», - dedi spıker.