Qysta alysqa saparlaıtyn júrgizýshilerdiń qandaı qural-jabdyqtary bolýy tıis
NUR-SULTAN. QazAqparat – QR ІІM Ákimshilik polıtsııa komıteti tóraǵasynyń orynbasary Serik Túsipov qysta alys jolǵa shyǵatyn júrgizýshiler qandaı qural-jabdyqtardy alyp júrýi kerektigin aıtyp berdi, dep habarlaıdy QazAqparat tilshisi.
«Qystygúni jyldamdyq rejımin saqtaý kerek. Óıtkeni tejegishti basqan kezde kólik syrǵýy múmkin. Jyldamdyqty durys tańdamaı, odan soń kenet tejegish basylsa, kólik tizginge kónbeı, munyń sońy jol-kólik oqıǵasyna aparyp soqtyrýy yqtımal. Odan bólek, ońǵa nemese solǵa qaýipsiz burylý úshin avtokólikter arasyndaǵy qashyqtyqty jáne ekijaqty aralyqty saqtaý kerek», - dedi ІІM-niń baspasóz máslıhatynda Serik Túsipov.
Kólik qozǵalysyna áser etetin taǵy bir jaǵdaı – joldyń «muzdy aryqqa» aınalyp shyǵa kelýi. ıAǵnı, jol jıegin qar basyp qalatyndyqtan, qozǵalys aýmaǵy tarylady. Osynyń bári de jyldamdyq rejımine áser etedi.
«Kólik júrgizýshisi jol apatyna tap bolmas úshin atalǵan erejelerdiń bárin saqtaýy kerek. Qarasha aıy bastalǵaly elde 406 jol-kólik oqıǵasy tirkeldi, 95 adam kóz jumyp, 472 adam ártúrli dene jaraqatyn aldy», - dedi ol.
Serik Túsipov alys jolǵa shyǵatyn júrgizýshilerge qandaı quraldardy alyp júrýi kerektigin eskertti. Atap aıtqanda, mundaı júrgizýshiler tirkeıtin tros, kúrek, syrǵýǵa qarsy shynjyr (júk kólikteri men avtobýstar úshin), jyly kıim men aıaq kıim, jetkilikti deńgeıde janar-jaǵarmaı bolǵany abzal.
