Qysta aqaý shyqqan Óskemen jylý ortalyǵyna qatysty tekserý jumystary aıaqtaldy
Bıyl qysta Óskemendegi jylý elektr ortalyǵynda aqaý shyǵyp, halyqtyń narazylyǵyn týdyrǵan bolatyn. Kóp uzamaı olqylyqtyń orny tolyqtyrylǵan.
Aldaǵy ýaqytta osyndaı keleńsizdikter týyndamas úshin ortalyqqa tolyqqandy tekserý júrgizildi. Bul týraly ShQO ákimdigi habarlap otyr.
«Óskemen jylý elektr ortalyǵy» JShS iri ónerkásiptik uıymdar men turǵyn úı-kommýnaldyq sektor úshin elektr jáne jylý energııasyn óndirý júktemesiniń 80 paıyzyn qamtamasyz etedi. Qazirgi tańda ortalyq joǵary qysymdy qazandyq salý boıynsha ınvestıtsııalyq jobany iske asyryp, eki qazandyq agregatyn kúrdeli jóndeýden ótkizbek. Osy ınvestıtsııalyq jobaǵa 8 mıllıard teńge salyndy. Nátıjesinde, JEO kelesi jylytý maýsymyna tolyq daıyn bolady», - deıdi aımaq basshysy Danıal Ahmetov.
Onyń aıtýynsha, kásiporynda júrgizilgen aýqymdy tekserý jumystarynyń nátıjesi belgili boldy.
«Eleýli zańbuzýshylyqtar anyqtalǵan joq. Ortalyqty damytýdyń keshendi jospary bar. Keleshekte qýatty arttyrý qajet. Óıtkeni qala qarqyndy damyp keledi. Jańa turǵyn aýdandar salynyp, kásiporyndar ashylýda», - deıdi oblys ákimi.