Qysqy uıqyǵa ketpegen aıýlardy atyp jatyr
ASTANA. 26 qarasha. QazAqparat - Kamchatkada eldi mekenderdiń mańyn kezip júrgen aıýlardy atý týraly sheshim qabyldandy.
Maýsym boıynsha qazir jyrtqyshtardyń bári apandarynda uıqyda bolýy kerek. Al qysqy uıqyǵa jatpaǵannan keıin, olar adamdarǵa qaýip tóndiredi.
2013 jyly Kamchatkada úsh adam aıýlardyń qurbanyna aınalǵan, taǵy eki adam aýyr jaralanǵan, dep habarlady ITAR-TASS tilshisine Kamchatka aımaǵynyń orman sharýashylyǵy jáne janýarlar álemin kúzetý agenttiginen.
Bıylǵy jyly aıýlar ash boldy, olar qys mezgiline qosymsha maı jınap úlgergen joq, sol sebepti áli azyq izdep júr. Sońǵy kezderi úı janýarlary men qustary jabaıy ańdardyń azyǵyna aınalyp otyr.
Bıyl adamdarǵa qaýipti 140 jyrtqysh atyldy.
