Qysqy ýnıversıadany qaı telearnadan kórýge bolady

ASTANA. QazAqparat - Erteń, 12 qańtarda jalaýyn kóteretin Qysqy ýnıversıadany qaı telearna kórsetetini belgili boldy, dep habarlaıdy QazAqparat tilshisi.

Bıyl otyzynshy márte ótetin dúbirli dodany tikeleı efırde kórsetý mindetin «Qazsport» telearnasy óz mindetine alyp otyr.

Aıta ketsek, ýnıversıada AQSh-tyń Leık-Plesıd qalasynda 12-22 qańtar aralyǵynda ótedi. Álemdik dodaǵa 50 elden 1 443 atlet qatysady dep josparlanyp otyr. Stýdentter sporttyń 12 túrinen 86 júlde jıyntyǵyn sarapqa salady.

Atalǵan jarysta elimizdiń namysyn 78 sportshy qorǵaıdy.

Buǵan deıingi ýnıversıadalarda qazaqstandyq stýdentter 2017 jyly joǵary nátıje kórsetti. Elimizdiń Almaty qalasynda ótken básekede olar 11 altyn, 8 kúmis pen 17 qola oljalady. Nátıjesinde barlyǵy 36 medalmen Qazaqstan jalpy komandalyq esepte ekinshi oryn aldy.

Bıylǵy Qysqy ýnıversıadanyń kórsetilim kestesi «Qazsport» telearnasynyń áleýmettik jelilerine kúndelikti jarııalanady.

Eske salsaq, budan buryn Qysqy ýnıversıadada short-trek, konkı sporty jáne mánerlep syrǵanaýdan óner kórsetetin sportshylar belgili boldy.

Sondaı-aq, atalǵan jarysqa qatysatyn Qazaqstan hokkeı quramasy anyqtaldy.