Qysqy Ýnıversıada qorytyndysy: Qazaqstandyqtardyń enshisinde 7 medal
Baıraqty doda Krasnoıarsk qalasynda 2-12 naýryz aralyǵynda ótti. El namysyn barlyǵy 95 sportshy (5 mənerlep syrǵanaýshy, 13 shańǵyshy, sporttyq baǵdarlaý men short-trekten - 10, taý shańǵyshysynan 2 sportshy) qorǵady.
On kúndik jarystyń nátıjesinde Qazaqstan qorjynyna 4 kúmis, 3 qola medal tústi.
«Saıysqa elimizdiń joǵary oqý oryndarynyń 17-25 jas aralyǵyndaǵy stýdentteri men akademııalyq dárejesi bar túlekteri qatysty. Júldeli oryndar ıelengen jas sportshylarǵa Qazaqstan Respýblıkasy Bilim jáne ǵylym mınıstri Kúlásh Shamshıdınova quttyqtaý hat joldap, laıyqty jeńisterimen quttyqtady», - delingen mınıstrlik aqparatynda.
2019 jylǵy qysqy Ýnıversıadada medal ıelengen sportshylar: Janbota Aldabergenova (frıstaıl-akrobatıka, 3-oryn, ál Farabı atyndaǵy QazUÝ), Áset Dúısenov (shańǵy jarysy, 2-oryn, Qazaq sport jáne týrızm akademııasy), Han ıAna, Volkovıtskaıa Alena (short-trek, 3-oryn, Qazaq sport jáne týrızm akademııasy), Ámirǵalıeva Álııa, Baqytgereeva Qadısha (short-trek, 3-oryn, Qostanaı memlekettik pedagogıkalyq ýnıversıteti), Nıkısha Denıs, Qajǵalı Nurtilek (short-trek, 3-oryn, Qazaq sport jáne týrızm akademııasy), Jaqsybaev Mersaıd, Shamýhanov Erkebulan (short-trek, 3-oryn, Qostanaı memlekettik pedagogıkalyq ýnıversıteti), Grıdın Nıkıta, Klımın Oljas (shańǵy, 2-oryn, A.Myrzahmetov atyndaǵy Kókshetaý ýnıversıteti), Áset Dúısenov, Lıýft Ivan (2-oryn, shańǵy jarysy, Qazaq sport jáne týrızm akademııasy), Tursynbaeva Elızabet (2-oryn, mənerlep syrǵanaý, Qazaq sport jáne týrızm akademııasy).
