Qysqy Ýnıversıada: Qazaqstandyq eki mánerlep syrǵanaýshy saıysqa tústi

ASTANA. QazAqparat - AQSh-tyń Leık-Plesıd qalasynda ótip jatqan 2023 jylǵy Qysqy Ýnıversıadada mánerlep syrǵanaýdyń qysqa baǵdarlamasy boıynsha erler arasynda eki qazaqstandyq sportshy synǵa tústi, dep habarlaıdy QazAqparat tilshisi.

Saıys barysynda el quramasynan Mıhaıl Shaıdorov qysqa baǵdarlama boıynsha 75,05 ball jınap, altynshy orynǵa turaqtady. Qazaqstandyq taǵy bir sportshy Dıas Jırenbaev 60.89 ballmen 16-orynǵa jaıǵasty.

Osylaısha ekeýi de erkin baǵdarlama boıynsha saıysqa qatysýǵa múmkindik aldy.

Qysqa baǵdarlama boıynsha japonııalyq úsh sportshy Sota ıAmamoto (101,32), Tatsýıa Tsýboı (84,48) jáne Shýn Sato (84,43) úzdik úshtikte tur.

Eske salsaq, dúbirli dodada elimizdiń atynan 78 sportshy baq synap jatyr.

Olardyń 6-y mánerlep syrǵanaýdan el namysyn qorǵaıdy.

Sondaı-aq, shaıbaly hokkeıden Qazaqstan stýdentten quramasy alǵashqy eki kezdesýinde jeńiske jetti.

Foto: instagram.com/qaz.iceteam