Qysqy ýnıversıada: Qazaqstandyq bendı sheberleri utylyp qaldy
ASTANA. QazAqparat - Krasnoıarsk qalasynda ótip jatqan HHІH dúnıejúzilik qysqy ýnıversıadada qazaqstandyq bendı sheberleri alǵashqy matchyn reseıliktermen ótkizdi, dep habarlaıdy QazAqparat tilshisi.
Kezdesý Reseı quramasynyń aıqyn basymdylyǵymen ótip, 9:1 esebimen aıaqtaldy.
Qazaqstandyqtar sapyndaǵy «Aqjaıyqtyń» jas shabýylshysy, 19 jasar Azat Bekturǵan jalǵyz goldyń avtory atandy. Al Sultan Qadyrjanovtyń 38-mınýtta oryndaǵan 12 metrlik aıyp dobyn reseılik qaqpashy ıÝrıı Ivanchıkov qaıtardy.
Reseıdiń joǵary lıgasynda óner kórsetetin «Aqjaıyqtyń» bas bapkeri Nıkolaı Shavaldın jattyqtyratyn Qazaqstan quramasy 3 naýryzda fındermen, 4-inde shvedtermen, 5-inde norvegtermen aıdynǵa shyǵady. Ýnıversıadaǵa barlyǵy beskomanda qatysyp jatqandyqtan, sonyń tórteýi jartylaı fınalǵa joldama alady.Demek, úmit áli úzilgen joq.
Keshe sondaı-aq Shvetsııa quramasy norvegterdi 8:0 esebimen oısyrata jeńdi.
Eske sala keteıik, budan buryn dopty hokkeıden Qazaqstan quramasynyń ýnıversıadada alǵashqy matchyn reseıliktermen ótkizetinin jazǵan bolatynbyz.
El quramasynyń negizin «Aqjaıyq» hokkeıshileri (kapıtany Maksım Ótebalıev) quraıdy.
