Qysqy Ýnıversıada alaýy 25 qańtarda Astanada tutanady
ALMATY. QazAqparat - 28-shi qysqy Ýnıversıada alaýynyń Qazaqstannyń aımaqtarynda, oblys ortalyqtarynda qaı ýaqytta bolatyny jáne baǵdary belgilendi, dep habarlaıdy QazAqparat tilshisi.
«22 jeltoqsan kúni 28-shi qysqy Dúnıejúzilik ýnıversıadanyń aımaqtyq shtabtary alaýdy alyp júrý estafeta baǵdaryn anyqtady. Endi Qazaqstannyń 16 qalasynda atalǵan shara qandaı oryndarda ótetini belgili boldy», delingen habarlamada.
2017 jyldyń 25 qańtarynda Astana qalasynda 28-shi Dúnıejúzilik qysqy ýnıversıadanyń alaýy jaǵylady. 5 kúnniń ishinde Qazaqstandaǵy barlyq oblys ortalyqtarynda Ýnıversıadanyń óz alaýy jaǵylady.
Jalpy Ýnıversıada alaýy 22500 shaqyrym joldy júrip ótedi, onyń 200 shaqyrymyn alaý ustaýshylar alyp júredi.
Stýdenttik oıyndardyń resmı tasymaldaýshysy - «Eır Astana» áýe kompanııasy aımaqtarda jaǵylǵan alaýdy Almatyǵa jetkizedi. Osydan keıin 22300 shaqyrym jol júrip kelgen alaýlar 29 qańtar kúni Almatyǵa jetkizilip, resmı túrde Ýnıversıadany ashady.
Aıta keteıik, Ýnıversıada alaýy 25 qańtarda Astanada, 26 qańtar kúni Óskemen, Pavlodar, Kókshetaý, Petropavl, Qostanaı, 27 qańtarda Aqtóbe, Oral, Atyraý, Aqtaýda, 28 qańtarda Qyzylorda, Shymkent, Taraz, Taldyqorǵanda, 29 qańtarda Almatyda ál-Farabı atyndaǵy QazUÝ-de jaǵylady.
